Ol taep blong rental frod
- Frodsta ia hem i save pos olsem wan individual we i stap rentemaot propeti blong hem. Oltaem bae oli listim se hem i avelebol from ona hem i kleim se hem i stap liv mo wok long wan narafala ples blong ol narafala rison – Oltaem bae oli talem ol samting olsem jariti, misenari o ol semkaen wok we bae i mekem frodsta olsem se hem i wan gudfala mo tru peson we i gat respek long hem. Advataesmen ia o listing maet hem i inkludum wan foto we oli stilim long ol websaet blong ol genuen estet/rental ejen. Bae frodsta i save yusum ol ekskyus se propeti hem i no avelebol blong lukluk. ‘Lanlod bae i save askem fes manis rent blong oli sendem long mani transfe olsem long Westen Yunion o ManiGram, mo oli promes blong pasem ki tru long koria sevis. Wan narafala i blong askem tenan blong pruvum se hem i save afodem rent mo sendem mani i go long wan gudfala fren we yu trastem o wan famle memba afta sendem skan kopi blong risipt wetem wan fols tingting se risipien we oli nemem hem long resipt hem nomo i save tekem mani ia.
- Frodsta ia i save talem se hem i propeti manejmen bisnes we hem i gat fulap propeti blong salem. I gat wan mo bigfala skam, oltaem bae hem i involvem ol fek websaet mo ol bank akaon tu. Advataesmen ia o listing maet hem i inkludum wan foto we oli stilim long ol websaet blong ol genuen estet/rental ejen. Bae oli talem bakegen se propeti ia i no avelebol blong oli lukluk, be frodsta hem save yusum samfala ekskyus blong kavremap hem.
- Wan frodsta we i stap pos olsem landlord i save letem propeti ia long fulap man long semak taem. Ol prospektiv tenant oli save kam long semak dei blong muv kam in mo ‘lanlod’ ia i save muv i goaot kwaet we bae man i no save. Samtaem, taem wan man i stap giaman se hem i lanlod be hem i wan tenant, ol pipol we oli bin giaman long olgeta oli jus nomo blong stap tugeta long wan ples be oli no save se huia hem i stret lanlod.
- Wan lanlod i save kam wan viktim blong frod taem wan skama i pos olsem wan prospektiv tenant i wantem rentem wan propeti. Bae hem i oferem wan jek (samtaem i kam long wan ‘famle’ o bisnes), mo askem jek ia blong oli kasem mo sam long ol mani oli sendem i go long wan narafala peson tru long Westen Yunion o ManiGram, mo bae oli mekem ekskyus se i gat wan peimen we i hae tumas o ovapeimen, o ol fand i blong pem wan moving kampani. Bae yu save filim se i Skama ia i hariap long ol samting mo i wantem mani oli sendem bifo oli faenemaot se jek ia hem i fek.
Protektem yuwan long rental frod
- Oltaem yu lukluk long wan propeti insaed mo aotsaed bifo yu go insaed long wan agrimen o givimaot eni mani. Wan genuen o tru lanlod o ejen bae hem i arenjem blong yu go insaed long propeti.
- Lukluk properti long aotsaed long ol defren taem blong dei be no long taem we yutufala mekem arenjmen, eksampol sapos long ivening, yu mekem sua se i no gat wan man i stap long ‘vaken’ propeti ia.
- Bifo yu lukluk propeti ia, jekem blong luk sapos ol foto long advetismen oli majem ol foto we yu save luk long Google Map Street View. Sapos yu gat sam tingting o saspises, yu dig godaon moa blong luk sapos ol semak pija oli yusum long ol narafala listing wetem ol defren adres – hemia hem i stap soem se i gat wan frodulen seting.
- Sapos yu stap dil wetem wan onlaen ejen, yu mas kolem olgeta oltaem long fon o mekem sua se oli gat wan fiks adres, mo visitim premises blong olgeta.
- Konsiderem blong yusum nomo ol strit tenansi ejen we oli gat gudfala reputesen. Wan ekstra kost long saed ia bae yu gat wan gudfala hat mo maen blong yu stap long pis taem we lanlod hem i wan we hem i gat integriti. Mo tu, yusum ol spesel rental websaets, we oli save gat ol filta mo ol tim we oli manuali jekem ol listing we oli stap long hae risk.
- Askem olgeta blong ol dokumen we oli ligol olsem eneji pefomans mo ol gas sefti setifiket. Maet oli givim yu pepa trel yu nidim blong gat konfidens long wan advet long wan propeti be hem i no wan skam.
- Askem lanlod long aedentifikesen blong hem.
- Jekem se rental praes hem i blong ol kaen propeti olsem long eria we yu stap lukluk. Sapos i gat wan samting we yu ting se i gud be yu gat kwesten long hem, ating bae i olsem.
- Yu no givim wan mani long saed long ol transfer sevis olsem Westen Yunion mo ManiGram. Olgeta ia oli blong ol transaksen bitwin yuwan mo ol pipol we yu save mo trastem. Oli save pikimap olgeta long eni pat long wol mo wetem smol o nogat aedentifikesen – mo yu no save tresem taem mani ia oli kolektem.
- Sapos i posibol, pem ol deposit mo ol rental wetem kredit kad from hemia bae i protektem yu long frod.
- Sapos yu yu lanlod we i rentemaot wan propeti, yu no akseptem ol peimen we oli involem putum wan pat blong rent ia i go long wan narafala pati. Yu jekem ol referenses oltaem mo karemaot ol kredit jeks long ol prospektiv tenan.
- Yu no fraet blong askem ol kwesten, nating we yu tingse ol kwestin ia oli saon nogud.
Sapos yu tingse yuk am vikti blong rental frod:
Ripotem long polis