Ol risk
- Yu klik long wan link insaed long tweet, o post long sosol media o video hosting saet – o long wan daerek mesej – we i stap advetaesem wan gift o spesel ofa…. o i talem long yu wan woning blong yu tekem samfala aksen blong avoidem blong kasem samfala kaen faenansel los. Hemia i save kam long eni man – iven wan kontak we yu trastem sapos sosol media akaon blong olgeta oli bin sotemaot o aedentifaem olsem se oli stilim.
- Link we i tekem yu long websaet we i rikwestem ol konfidensel ditel blong yu o kosem kompiuta o mobael divaes blong yu blong i infekted wetem malwe.
- Mo tu, post, tweet o mesej maet oli intraktem yu blong yu mekem wan fon kol i go long spesifik namba. Hemia oli save rikwestem ol konfidensel ditel o i save gat wan namba we taem yu ringim bae i mekem bigfala extra jaj long telefon bil blong yu.
- Kriminal ia i krietem wan konvinsing be fek twita kastoma sevis akaon wetem wan handel we i simila long ril wan blong bank. Oli wet long yu blong yu tweet long bank wetem wan jenuwen help rikwes, afta ol kriminal oli haijakem konvesesen ia long wei we oli respond wetem wan frodulen sapot link we oli sendem i kam long fek sapot peij. Hemia bae i daerektem yu long wan konvinsing fek login peij we oli desaenem blong kapturem ol konfidensel ditel blong yu.
Olsem ol frodulen imel, teks, mo ol fon kol, sosol media phishing o pleplei wetem ol stong hyuman imosen mo ol nid olsem trastem man, sef, fia blong lusum mani, karem wan samting blong nating, hem i wantem faenem wan bakegen o disanem blong faenem lav o popula/stetas. Oli save stetem o soem se i gat wan nid blong ejen aksen blong yu blong avoidem wan isu o tekem advantej blong wan ofa.
Hao blong avoidem blong kam wan viktim blong sosol media phishing
- Yu no klik long ol link long post, tweet, o daerek mesej be sapos yu 100% sua se oli jenuwen mo oli gat ol gudfala intensen.
- Tekem taem blong konsiderem ol aksen blong yu bifo yu respon long ol aproj long sosol media.
- Askem yuwan sapos wan jenuwen peson bae oli save kontaktem yu long wei ai wetem infomesen ia.
- Luksave ol faenansel tret o isu o ofa we oli luk olsem oli tru be nogat.
- Sapos yu gat tu tingting, kolem namba blong oganaesesen o wan individual we post o tweet we i kleim se hem nao, blong jekem se i tru o no.
- Nating we post ia i kam long wan we yu trastem, ating akaon blong olgeta maet oli hakem o kopi long hem.
- Sapos aproj hem i tru long Twita, yu notem se ol akaon blong ol lejitimet bisnes hem i yusual blong gat ol fija blu we hem i ‘verifaed’ tik blong indiket se akaon ia hem i tru. Bae oli neva rikwestem ol login ditel blong yu.
- Mo, yu jekem ol namba blong ol pipol o folowa long akaon ia. Ol jenuwen oganaesesen – inkludum ol kastoma sapot blong olgeta – bae olgeta i gat mao pipol oli folem olgeta.
Sapos yu bin wan viktim blong sosol media phishing
Ripotem i go long sosal media netwok via long ripoting sistem we i stap long saet o app
Sapos yu bin lusum mani olsem wan risal blong sosal media phishing, o tru long wan narafala frodulen aktiviti
Ripotem long polis.