Nating we App blong sendem mani hem i stap nomo long ol smatfon platfom, eniwan we i gat wan mobael namba i save rejista blong risivim mani long sevis ia. Notifikesen long ol transaksen long ol sevis ia oli mekem nomo long teks mesej.
Ol risk
- Taem yu sendem mani long wan rong telefon namba (eksamapol long hem we yu enterem be i rong).
- Ol phishing imel o teks we oli kleim se oli blong mobael mani sevis be insted oli stap sendem yu wan frodulen websaet o talem long yu blong sendem mani i go long wan narafala mobael namba.
Transferem mani long wan sef wei
Sevis ia hem i sef olsem ol onlaen banking transaksen, mo hem i yusum wan yusa-spesifik faev-dijet paswod long app ia blong protektem hem.
Mifala i rekomendem se yu obsevem ol sefti prikosen ia:
- Mekem sua se paskod blong app oli no save gesem, yu no yusum ol betdei mo ol anivesari, no yusum ol namba we yu kaon i go antap o kaon i go daon (eksampol 54321 o 12345), ol semak namba (olsem 11111) o ol paten blong ol namba we oli stap long ol kipad mo oli luksave (olsem 14789).
- Yu no storem paskod blong yu long mobael fon, mo tu long ol kontak blong yu.
- Protektem mobael fon blong yu wetem wan sekua anlok fija (olsem wan PIN).
- Yu dabol jek se yu enterem korek fon namba bifo yu konfemem wan transaksen.
- Tekem esktra kea blong no putum fon blong yu albaot. Fisikol sekuriti hem i impoten tu.
- Yu mas wari long ol app we oli mekem kopi long olgeta long ol saet we yu no trastem.
- Yu lukaot long o frodsta we oli save traem blong sendem ol phishing teks.
- Sapos fon blong yu i lus o wan man i stilim, infomem bank kwiktaem.
- Yu mekem sua se eni pablik o praevet waeles netwok we yu stap yusum hem i sekua bifo yu rejisterem o yusum sevis ia.
- Be keaful long hu i stap wajem ova long solda blong yu taem yu stap rejista blong sevis – o sendem o risivim mani.
- Yu mas rimemba blong logaot taem yu finis blong yusum app.
- Nating we amon blong mani we yu stap transferem hem i smol, kipim wan rikod long total mani we yu stap sentem blong mekem sua se yu stap long limit blong yu.