Ol yusa long ol websaet ia oli save gambel long ol aotkam blong ol video gem tonament (wSport) wetem ol in-gem olsem ol dekoretiv dijitol gan, naev mo protektiv ama (ol aetem yumi save olgeta olsem gema ‘skin’). Wan ripot we oli pablisim long US oli estimetem se global ‘skin’ gambling maket we valiu blong hem i $5 bilion (2016 figa).
I gat wan ril denja se yu stap givin mani long ol pikinini blong yu mo yu ting se oli stap plei wan kompiuta gem, be maet oli stap gambel. Hemia i stap promotem adiktiv mo hamful biheiva long ol smol pikinini (olgeta we oli yang olsem 11 yia oli ripotem olgeta oli bin stap yusum ol saet ia), be olgeta ating oli stap yusum kredit kad blong yu.
Hao blong sefgadem pikinini blong yu agensem video gem gambling
- Toktok long pikinini blong yu abaot denja blong gamblong mo ol negativ aotkam long wan lanwis we stret long eij blong olgeta
- Mekem sua se onlaen gem we ol pikinini blong yu oli wantem pleplei long hem oli stret long eij blong yu.
- Risejem ol gem we oli wantem plei – inkluding weta oli gat ol jat forom we i save lidim olgeta i go long ol biheiva we oli nogud inkludum gambling mo gruming.
- Yusum intenet filta blong blokem ol websaet we oli nogud.
- Yusum parental sefti sofwe/app blong blokem ol rabis fasin blong intenet yus mo monitorem aktiviti blong pikinini blong yu onlaen.
- Yu no givim akses long kredit kad ditel blong yu long ol pikinini.