I nogat wan garanti se taem yu mitim diman blong olgeta, maet bae i nogat ol narafala feta diman, o kriminal ia bae i no postem video blong yu. Ol kaen konsekwens olsem oli save stat we yu sem kasem yu fil lo tumas o humilitet mo long ol ekstrim keis, hem i bin luk samfala oli komitim susaed o tekem on laef blong olgeta. Ol mel o fimel blong eni ej grup oli save kam viktim.
From ol webkam blakmela ia oltaem oli stap ovasi, hem i no isi blong loketem olgeta mo arestem olgeta.
Ol risk
- Yu fomem wan rilesensip onlaen mo afta long wan period we yu save gud man ia, oli askem yu blong yu tekemaot ol klos blong yu mo pefomem ol seksual aksen long webkam blong yu. Saeba boe o gelfren ia hem i wan memba blong wan kriminal gang o wan frodsta we hem i stap wok hemwan.
- Yu tekem ol klos blong yu olsem we wetem wan gufala fren blong yu be onlaen be oli blakimelem yu wetem olgeta we oli save yu o sapos nom video ia i stap wetem ol wrong man.m
- Yu save risivim ol diman blong mani mo sapos yu no kamplae mo/ o blakmela ia i save twistim ol situesen mo ripotem long olgeta long otoriti eksampol mo talem long olgeta se yu stap mekem ol seksual ofens againsem ol pikinini.
Avoidem webkam blakmel
- Yu no putum yu long wan situaesen we olsem oli askem yu blong rimuvum klos mo pefomem ol aksen we oli intimet long onlaen. Yu no save se huia i save luk ol imej ia.
- Oltaem yu rimemba we wanem i go onlaen bae i stap onlaen.
- Yu mas wari long huia i invaetem yu o akseptem invitesen long ol sosol netwoking saet. Yu no akseptem ol frensip rekwes long ol strenja…. yu no save mekem olsem long ril laef.
- Apdetem ol praevesi seting blong yu long ol sosol netwoking akaon blong bae i gat samfala nomo we yu save long olgeta bae oli save luk akaon blong yu.
- Yu no inkludum eni sensitiv, praevet o konfidensel infomesen long ol profael.
- Sapos yu yusum ol deting saet, jusum olgeta we oli oferem yu abiliti blong imelem ol prospetiv det long yus blong wan sevis we hem i konsilim ol tru imel adres blong tugeta pati.
- Mo tu long ol deting saet, setemap wan seperet imel akaon we hem i no yusum stret nem blong yu. Hemia hem i wan simpol samting mo i kwik blong mekem yusum ol provaeda olsem Hotmail, Yahoo! Mel o gmail
- Kwiktaem blokem ol frodulen yusa blong oli gat ol feta kontak wetem yu mo ripotem olgeta from abyus.
- Sapos yu kam wan viktim blong skam, yu no rispon long diman blong blakmela be ripotem isu ia long polis mo relevan sosol netwoking saet.
Sapos yu tingse yu oli bin fosem yu blong pat wetem ol peimen ditel, kontaktem bank blong yu o kad isa kwiktaem.