Ol general webmel sefti tip
- Yusum ol webmel we oli kam long ol kampani we fulap oli save long olgeta mo olgeta we yu trastem.
- Mekem se spam filtering i on o swij i go long wan webmel provaeda we hem i save mekem kaen ia.
- Yusum ol strong paswod blong log in (lukluk ol Paswods.
- Oltaem log aot long webmel blong yu taem we yu finis wetem imel. Hemia hem i impoten tumas long wan sed kompiuta.
- Mifala i advaesem yu blong yu konek i go long webmel nomo taem webmeil provaeda hem i gat wan sekua koneksen (we i tru long wan lok long daon raet han saed blong brawsa windo mo ol letta ia ‘https://’ i stap long stat blong websaet adres. Sapos koneksen ia i no sekua, tekem kea blong no sendem imel we i save talemaot o givimaot akses long ol konfidensel infomesen.
- Tingting bifo yu openem ol atajmen long ol imel we oli kam long ol sos we yu no save o no trastem. Sam webmeil sistem oli otomatikali skanem ol atajmen from malwe.
- Mekem sua se yu gat leitest antivaeres/anti-spaewe mo faeawol softwe we oli instolem.
No lusum ol olfala imel mesej blong yu
Hem ia i no pat long wan sekuriti risk, be tingbaot se sam webmeil sistem i save dilitim ol imel mesej sapos yu bitim wan storej namba. Sapos imel akaev blong yu hem i impoten, tingbaot blong pem wan onlaen storej sevis, o yusum wan webmeil sevis we i nogat ol restriksen long hem.
Plis yu notem se sam webmeil provaeda oli save saspendem akaon blong yu sapos yu no aksesem long longfala taem.